இலங்கையில் முஸ்லிம்களுக்கு எதிரான இனவாத, மதவாத செயற்பாடுகள் மீண்டும் தலைதூக்கியுள்ளமையானது முஸ்லிம் சமூகத்தை கவலையில் ஆழ்த்தியுள்ளது.
கடந்த ஒரு மாத காலப்பகுதிக்குள் மாத்திரம் மூன்று பள்ளிவாசல்கள் மீதான தாக்குதல்கள் உட்பட முஸ்லிம்களுக்கு எதிரான 15கும் மேற்பட்ட முக்கிய சம்பவங்கள் பதிவாகியுள்ள நிலையில், அவற்றைக் கட்டுப்படுத்துவதற்குத் தேவையான நடவடிக்கைகளை அரசாங்கம் மேற்கொள்ளவில்லை என முஸ்லிம்கள் கவலை தெரிவிக்கின்றனர்.
கடந்த காலங்களில் நாட்டில் இனவாத கருத்துக்களைப் பரப்பிய பொது பல சேனா மற்றும் சிங்கள ராவய போன்ற அமைப்புகளின் செயற்பாடுகள் மீண்டும் வீரியம் பெற்றுள்ளதுடன் ஞானசார தேரர் மீண்டும் இனவாத கருத்துக்களைப் பரப்பும் தனது வேலைத்திட்டத்தை ஆரம்பித்துள்ளார். இவற்றின் காரணமாகவே நாட்டின் பல்வேறு பகுதிகளிலும் முஸ்லிம்களுக்கு எதிரான செயற்பாடுகள் தலைதூக்கியுள்ளதாக சுட்டிக்காட்டப்படுகிறது. இதேவேளை இந்த சம்பவங்களை கட்டுப்படுத்த அரசாங்கமும் பாதுகாப்புத் தரப்பும் போதிய நடவடிக்கைகளை எடுக்காத அதேவேளை முஸ்லிம் அரசியல்வாதிகளும் அரசாங்கத்திற்கு போதிய அழுத்தங்களை வழங்கத் தவறிவிட்டதாக குற்றம்சாட்டப்பட்டுள்ளது. இந் நிலையில் இவ்வருடம் ஏப்ரல் 15 ஆம் திகதி முதல் மே 18 ஆம் திகதி வரையான காலப்பகுதியில் இடம்பெற்ற முஸ்லிம்களுக்கு எதிரான சம்பவங்களை இங்கு தொகுத்து தருகிறோம். 16.04.2017: தென் மாகாணத்திலுள்ள கொடபிட்டிய, போர்வை நகரில் அமைந்துள்ள முஸ்லிம்களுக்குச் சொந்தமான 4 கடைகள் மீது அதிகாலையில் பெற்றோல் குண்டுத் தாக்குதல் நடத்தப்பட்டது.அக்குரஸ்ஸ நகரிற்கு உட்பட்ட ஓர் முஸ்லிம் கிராமமே போர்வை. இங்கு16.௦4.2௦17 அன்று அப்பிரதேச தொடர் கடைத்தொகுதி 1௦ ஐ இலக்காக கொண்டு இரண்டு பெற்றோல் குண்டுத்தாக்குதல் நடாத்தப்பட்டுள்ளது. இத்தாக்குதல் இரவு 1:45 அளவில் இடம்பெற்றுள்ளது. என்றாலும் இதில் எந்த உயிர் சேதமும் ஏற்படவில்லை. நான்கு கடைகளின் முற்பகுதியில் மாத்திரம் சிறு சேதம்.
உரிய நேரத்தில் அருகே உள்ள வீட்டு உரிமையாளரின் சாமர்த்தியமான நடவடிக்கை காரணமாக பாரிய சேதம் தவிர்க்கப்பட்டுள்ளது. பொலிசார் மேலதிக விசாரணைகளை மேற்கொள்கின்றனர்.
17.04.2017 : காலி கோட்டை இராணுவ முகாம் பாதுகாப்பு வலயத்தில் அமைந்துள்ள ஷெய்ஹ் சாலிஹ் வலியுல்லாஹ் ஸியாரத்தின் பாதுகாப்பு மதில்கள் இனந்தெரியாத நபர்களால் உடைக்கப்பட்டன.
20.04.2017 : அம்பாறை, இறக்காமம், மாயக்கல்லி மலையடிவாரத்திலுள்ள முஸ்லிம்களுக்குச் சொந்தமான இரண்டரை ஏக்கர் காணியை ஆக்கிரமித்து அதில் பௌத்த விகாரையை நிர்மாணிப்பதற்கான ஆரம்பப் பணிகளை பிக்குகள் தலைமையிலான குழுவினர் முன்னெடுத்தனர். இதனால் அப் பகுதியில் பதற்ற நிலை ஏற்பட்டது. 25.04.2017 : அம்பாறை, இறக்காமம், மாயக்கல்லி மலையடிவாரத்திலுள்ள முஸ்லிம்களுக்குச் சொந்தமான இரண்டரை ஏக்கர் காணியை ஆக்கிரமித்து அதில் விகாரை நிர்மாணிக்கும் பணிகளை பார்வையிட பொது பல சேனாவின் பொதுச் செயலாளர் ஞானசார தேரர் அப் பகுதிக்கு விஜயம் செய்தார். அத்துடன் அம்பாறை மாவட்ட செயலகத்தில் இடம்பெற்ற கூட்டத்திலும் கலந்து கொண்டதுடன் முஸ்லிம்களுக்கு எதிரான வெறுப்பூட்டும் கருத்துக்களையும் அக் கூட்டத்தில் வெளியிட்டார். நாட்டில் மேலும் 10 ஆயிரம் பௌத்த விகாரைகளை அமைக்கத் திட்டமிட்டுள்ளதாகவும் அவர் குறிப்பிட்டார்.
03.05.2017 :
இறக்காமம் பகுதியில் அத்துமீறிப் பிரவேசித்து இன முரண்பாட்டைத் தோற்றுவிக்க முனையும் ஞானசார தேரரையும் சிங்கள ராவய பிக்குகளையும் கைது செய்ய வேண்டும் என அம்பாறை மாவட்ட பாராளுமன்ற உறுப்பினரும் பிரதியமைச்சருமான எச்.எம்.எம்.ஹரீஸ் பாராளுமன்றத்தில் வேண்டுகோள் விடுத்தார்.
08.05.2017 :
இலங்கை கடற்பரப்பில் கைது செய்யப்பட்டு தடுத்து வைக்கப்பட்டுள்ள மியன்மார் அகதிகளை மீண்டும் அவர்களது நாட்டுக்கே திருப்பியனுப்ப வேண்டும் எனவும் அகதிகள் எனும் போர்வையில் முஸ்லிம்கள் இலங்கையை ஆக்கிரமிக்க முயற்சிப்பதாகவும் கொழும்பில் நடைபெற்ற பத்திரிகையாளர் மாநாட்டில் பொது பல சேனாவின் செயலாளர் ஞானசார தேரர் தெரிவித்தார்.
10.05.2017 :
இறக்காமம் மாயக்கல்லி மலையில் வெசாக் தினத்தை முன்னிட்டு பொலிஸ் பாதுகாப்புடன் விசேட பௌத்த வழிபாடுகள் இடம்பெற்றன.
14.05.2017 : பொலன்னறுவை, ஓனேகம பகுதிக்கு விஜயம் செய்த பொதுபல சேனாவின் செயலாளர் ஞானசார தேரர் தலைமையிலான குழுவினர் அப் பகுதியில் வசிக்கும் முஸ்லிம்களுக்கு அச்சுறுத்தல் விடுத்ததுடன் மாட்டுக் கொட்டில்களையும் கழற்றி எறிந்தனர். இதன்போது 'அல்லாஹ்'வை அவமதிக்கும் வகையிலான வெறுப்புப் பேச்சுக்களை ஞானசார தேரர் பேசினார்.
பாணந்துறை பழைய பஸார் பகுதியில் அமைந்துள்ள பள்ளிவாசல் மீது அதிகாலை 3 மணியளவில் பெற்றோல் குண்டுத் தாக்குதல் நடத்தப்பட்
டது. இதில் பள்ளிவாசலின் உட்பகுதிகள் சேதமுற்றன. சந்தேக நபர்கள் எவரும் கைது செய்யப்படவில்லை.
அல் இப்ராஹீமிய்யா ஜும்ஆ பள்ளிவாசல் மீது அதிகாலை 1.45 மணியளவில் சுமார் 8 பேர் அடங்கிய குழுவினர் தாக்குதல் நடத்தினர். இதில் பள்ளிவாசலுக்கு சேதம் ஏற்பட்டது. இதுவரை எவரும் கைது செய்யப்படவில்லை.
16.05.2017 :
பொது பல சேனா அலுவலகத்தில் இடம்பெற்ற ஊடகவியலாளர் மாநாட்டில் உரையாற்றி ஞானசார தேரர், முஸ்லிம்களுக்கு எதிராகவும் இஸ்லாத்துக்கு எதிராகவும் வெறுப்பூட்டும் கருத்துக்களை முன்வைத்ததுடன் 'அல்லாஹ்'வை அவமதிக்கும் கருத்துக்களை மீண்டும் வெளியிட்டார்.
16.05.2017 : 
செல்வநகர், நீணாக்கேணி பிரதேசத்திற்குள் கூரிய ஆயுதங்கள் மற்றும் தடிகளுடன் நுழைந்த சுமார் 200 பேருக்கும் மேற்பட்ட கும்பல் அப் பகுதியில் வாழும் முஸ்லிம்களின் வீடுகள் மீது தாக்குதல் நடத்தினர். இதில் சிலர் காயமடைந்ததுடன் 16 வீடுகள் சேதமடைந்தன. அன்றிரவு அக் கிராம முஸ்லிம்கள் அச்சம் காரணமாக அங்கிருந்து வெளியேறி பள்ளிவாசலிலும் உறவினர் வீடுகளிலும் தஞ்சமடைந்தனர்.
17.05.2017 :
பாணந்துறை, எலுவில பிரதேசத்தில் அமைந்துள்ள முஸ்லிம்களுக்குச் சொந்தமான பேக்கரி ஒன்றும் தொலைத்தொடர்பு நிலையம் ஒன்றும் பெற்றோல் குண்டுத் தாக்குதலுக்கு இலக்காகின. இது தொடர்பில் சம்பந்தப்பட்ட அதிகாரிகள் எந்தவித நடவடிக்கைகளையும் முன்னெடுக்கவில்லை.
18.05.2017 : 
வென்னப்புவவில் அமைந்துள்ள முஸ்லிம் வர்த்தகர் ஒருவருக்குச் சொந்தமான லாஸ்ட் சான்ஸ் எனப்படும் வர்த்தக நிலையம் அதிகாலை 2 மணியளவில் தீக்கிரையாக்கப்பட்டது.
21.05.2017:
00:00
பொதுபலசேன செயலாளரை கைது செய்ய பொலிஸ் நடவடிக்கை!
குருநாகல் பகுதியில் பதற்றநிலை!
03:30
குருநாகல், மல்லவபிட்டிய ஜும்மா பள்ளிவாசல் மீது இன்று அதிகாலை பெற்றோல் குண்டு தாக்குதல் நடத்தப்பட்டுள்ளது.
அதிகாலை 03:30 மணியளவில் இந்த தாக்குதல் நடத்தப்பட்டுள்ளதாக தெரிவிக்கப்படுகிறது.
மூன்று பெற்றோல் குண்டுகள் வீசப்பட்டுள்ளதாகவும் அதில் ஒன்றுமாத்திரமே வெடித்துள்ளதாகவும் அங்கிருக்கும் எமது செய்தியாளர் தெரிவித்தார்.
ஆறு பேர் கொண்ட கும்பல் ஒன்றினால் இந்த தாக்குதல் நடத்தப்பட்டுள்ளதாகவும் தெரிவிக்கப்படுகிறது.
குறித்த தாக்குதலினால் பள்ளிவாசலின் கண்ணாடிகளை சிறு சேதங்கள் ஏற்பட்டுள்ளன.
மூன்று பெற்றோல் குண்டுகள் வீசப்பட்டுள்ளதாகவும் அதில் ஒன்றுமாத்திரமே வெடித்துள்ளதாகவும் அங்கிருக்கும் எமது செய்தியாளர் தெரிவித்தார்.
ஆறு பேர் கொண்ட கும்பல் ஒன்றினால் இந்த தாக்குதல் நடத்தப்பட்டுள்ளதாகவும் தெரிவிக்கப்படுகிறது.
குறித்த தாக்குதலினால் பள்ளிவாசலின் கண்ணாடிகளை சிறு சேதங்கள் ஏற்பட்டுள்ளன.
காலி மாவட்டம் எல்பிடிய பிரதேசத்தில் உள்ள முஸ்லிம் வர்த்தகருக்கு சொந்தமான வர்த்தக நிலையம் மீது தீ மூட்டப்பட்டுள்ளது.
இன்று நள்ளிரவு வேளை இந்த சம்பவம் இடம்பெற்றுள்ளதாகவும் வர்த்தக நிலையத்தின் ஒருபகுதி தீக்கிறையாகியுள்ளதாகவும் உரிமையாளர் பேருவளை பிரதேசத்தை சேர்ந்தவர் இர்ஷாத் எனவும் அவர் குறிப்பிட்டார்.
அமைதிக்காக பிரார்த்திக்குக : உலமா சபை வேண்டுகோள்
நாட்டில் தற்போது ஏற்பட்டுள்ள இனவாத சூழல் நீங்கி அமைதியும் சமாதானமும் நீங்க பிரார்த்திக்குமாறு அகில இலங்கை ஜம்இய்யதுல் உலமா கோரிக்கை விடுத்துள்ளது.
இது தொடர்பில் உலமா சபை விடுத்துள்ள அறிக்கையில் தெரிவிக்கப்பட்டுள்ளதாவது,
தற்போது நிலவிவரும் அசாதாரண நிலைமைகள் காரணமாக முஸ்லிம்கள் சற்று அமைதியிழந்து காணப்படுகின்றனர்.
சிலர் முஸ்லிம்களுக்கு எதிரான இனவாதத்தை தூண்டும் செயற்பாடுகளை தொடர்ந்தும் மேற்கொண்டு வருகின்றனர். ஒரு சமூகத்தை
அச்சுறுத்தும் இவ்வாறான நடவடிக்கைகள், இந்நாட்டில் நிலவும் சமாதானத்தையும் சகவாழ்வையும் பாதித்து நாட்டின் அபிவிருத்திக்கு தடையாக அமைவதுடன், இந்நாட்டின் யாப்பு உறுதிப்படுத்தியுள்ள உரிமைகளை மீறும் செயற்பாடுகளாகவும் காணப்படுகின்றன.
எனவே, இந்நாட்டு முஸ்லிம்கள் இஸ்லாமிய போதனைகளைப் பேணி, இன ஐக்கியத்தையும் சமூக ஒற்றுமையையும் பாதுகாக்கும் வகையில் நடந்து கொள்ளுமாறும், இஸ்திஃபார், ஸதகா, நோன்பு, துஆ போன்ற நல்லமல்களில் ஈடுபட்டு அல்லாஹ்வின் பக்கம் திரும்புமாறும் குனூத் அந்நாஸிலா ஓதுவதற்கான ஜம்இய்யாவின் வழிகாட்டல்களுக்கு ஏற்ப ஐவேளை தொழுகைகளிலும் குனூத் அந்நாஸிலாவை றமழான் மாதம் வரை ஓதுமாறும் அகில இலங்கை ஜம்இய்யதுல் உலமா கேட்டுக் கொள்கின்றது.
அத்துடன் ஒவ்வொரு ஊரிலும் உள்ள உலமாக்களும் துறைசார்ந்தவர்களும் சமூகத் தலைவர்களும் ஒன்றிணைந்து இனவாதத்தை முறியடிக்க உரிய நடவடிக்கைகளை மேற்கொள்ளுமாறும், பொது மக்களுக்கு இதுதொடர்பில் வழிகாட்டுமாறும் ஜம்இய்யா வேண்டிக் கொள்கின்றது.
இந்நாட்டில் முஸ்லிம்களாக வாழும் நாம் வரலாறு நெடுகிலும் பல சோதனைகளுக்கு முகங்கொடுத்து வந்துள்ளோம். இவற்றின்போது நாம் இஸ்லாமிய போதனைகளுக்கு ஏற்ப பொறுமையுடனும் நிதானமாகவும் செயற்பட்டு வெற்றிபெற்றுள்ளோம்.
சோதனைகளின் போது அல்லாஹ்வின் மீது நம்பிக்கை கொண்டு செயற்படுவோர் தனக்கு ஏற்படும் பிரச்சினைகளிலிருந்து நிச்சயம் ஈடேற்றம் பெறுவர். நபிமார்களின் வரலாறு இதற்குச் சான்றாகும்.
எனவே, முஸ்லிம்கள் பெரும்பாவங்களிலிருந்து தம்மைப் பாதுகாத்துக் கொள்வதிலும் அல்லாஹுதஆலாவுடனான தமது தொடர்பைச் சீராக்கிக் கொள்வதிலும் அதிக கவனம் செலுத்த வேண்டும். 
குறிப்பாக சில தினங்களில் எம்மை வந்தடையவுள்ள றமழான் மாதத்தில் நாம் அதிகளவு நல்லமல்களில் ஈடுபட வேண்டும். நிச்சயமாக நமது நல்லமல்கள் முஸ்லிம்களுக்கு குறிப்பாகவும் நாட்டு மக்களுக்கு பொதுவாகவும் நிம்மதியையும் சுபீட்சத்தையும் கொண்டு வரும் என்பது உறுதியான விடயமாகும்.
நாட்டில் ஐக்கியம் மற்றும் சகவாழ்வு வளரவும் தீய சக்திகளின் மோசமான திட்டங்கள் தோல்வியுற்று அனைத்து சமூகங்களும் புரிந்துணர்வோடு வாழவும் எல்லாம் வல்ல அல்லாஹ்விடம் பிரார்த்திப்போம் என அதில் மேலும் தெரிவிக்கப்பட்டுள்ளது.
இதற்கு தீர்வு என்ன???
நடைபெற்றுள்ள அனைத்து தாக்குதகளையும் அவதானித்தால் அவை முஸ்லிம்களின் வர்த்தகம், வரலாறு, வாழ்விடம், வணக்கஸ்த்தளம் என்பவற்றை இலக்காக கொண்டுள்ளதை அவதானிக்கலாம்.
நாம் அல்லாஹ்வை பயப்படாமல் வாழ்ந்து கொண்டிருக்கின்றோம். எனவே அவனது சோதனை பல வகைகளில் வருகின்றது. எனவே ஒவ்வொரு தனிநபரும் அல்லாஹ்வுடன் தொடர்பை அதிகரிப்போம்.
ஆனால் இது மட்டும் தீர்வு அல்ல நாம் சட்டம், சர்வதேசம் ஊடகம் என்வற்றை இதற்கென பயன்படுத்த வேண்டும்.
இன்று உலகை ஆடவைக்கும் பலம் ஊடகங்களுக்கு உள்ளது. இலங்கை முஸ்லிம்களின் ஊடகத்தை அவதானித்தால் தென்பகுதி தமிழ் ஊடகம் மந்த கதியிலே உள்ளது.
முஸ்லிம்களின் செய்தி பரிமாற்றத்தில் twitter, Facebook என்பன முதலிடத்தில் உள்ளது. இன்று இவற்றின் ஊடாக பொய்யான செய்திகளும் பரவுகின்றது. இதனை குறைத்து தீர விசாரித்து செய்திகளை வெளியிட வேண்டும்.
இதற்கு மேலதிகமாக நாம் நமக்கென வானொலி, தொலைக்காட்சி சேவைகளையும் ஆரம்பிக்க வேண்டும்.
நமக்கு இலவசமாக கிடைத்த SLBC முஸ்லிம் சேவைக்கு அனுசரணையாளர் என்று உம்ரா முகவர்களின் முதலீடுகளை குறைத்து அவற்றை நாம் வானொலி, தொலைக்காட்சி ஆரம்பிக்க முதலீடு செய்ய வேண்டும்.
Ceylon Muslim Vidivelli
குறிப்பாக சில தினங்களில் எம்மை வந்தடையவுள்ள றமழான் மாதத்தில் நாம் அதிகளவு நல்லமல்களில் ஈடுபட வேண்டும். நிச்சயமாக நமது நல்லமல்கள் முஸ்லிம்களுக்கு குறிப்பாகவும் நாட்டு மக்களுக்கு பொதுவாகவும் நிம்மதியையும் சுபீட்சத்தையும் கொண்டு வரும் என்பது உறுதியான விடயமாகும்.
நாட்டில் ஐக்கியம் மற்றும் சகவாழ்வு வளரவும் தீய சக்திகளின் மோசமான திட்டங்கள் தோல்வியுற்று அனைத்து சமூகங்களும் புரிந்துணர்வோடு வாழவும் எல்லாம் வல்ல அல்லாஹ்விடம் பிரார்த்திப்போம் என அதில் மேலும் தெரிவிக்கப்பட்டுள்ளது.
இதற்கு தீர்வு என்ன???
நடைபெற்றுள்ள அனைத்து தாக்குதகளையும் அவதானித்தால் அவை முஸ்லிம்களின் வர்த்தகம், வரலாறு, வாழ்விடம், வணக்கஸ்த்தளம் என்பவற்றை இலக்காக கொண்டுள்ளதை அவதானிக்கலாம்.
நாம் அல்லாஹ்வை பயப்படாமல் வாழ்ந்து கொண்டிருக்கின்றோம். எனவே அவனது சோதனை பல வகைகளில் வருகின்றது. எனவே ஒவ்வொரு தனிநபரும் அல்லாஹ்வுடன் தொடர்பை அதிகரிப்போம்.
ஆனால் இது மட்டும் தீர்வு அல்ல நாம் சட்டம், சர்வதேசம் ஊடகம் என்வற்றை இதற்கென பயன்படுத்த வேண்டும்.
இன்று உலகை ஆடவைக்கும் பலம் ஊடகங்களுக்கு உள்ளது. இலங்கை முஸ்லிம்களின் ஊடகத்தை அவதானித்தால் தென்பகுதி தமிழ் ஊடகம் மந்த கதியிலே உள்ளது.
முஸ்லிம்களின் செய்தி பரிமாற்றத்தில் twitter, Facebook என்பன முதலிடத்தில் உள்ளது. இன்று இவற்றின் ஊடாக பொய்யான செய்திகளும் பரவுகின்றது. இதனை குறைத்து தீர விசாரித்து செய்திகளை வெளியிட வேண்டும்.
இதற்கு மேலதிகமாக நாம் நமக்கென வானொலி, தொலைக்காட்சி சேவைகளையும் ஆரம்பிக்க வேண்டும்.
நமக்கு இலவசமாக கிடைத்த SLBC முஸ்லிம் சேவைக்கு அனுசரணையாளர் என்று உம்ரா முகவர்களின் முதலீடுகளை குறைத்து அவற்றை நாம் வானொலி, தொலைக்காட்சி ஆரம்பிக்க முதலீடு செய்ய வேண்டும்.
Ceylon Muslim Vidivelli
Ibnu Asad
கருத்துகள்
கருத்துரையிடுக