போரெனும் கொடியின் கீழ் களி கொள்ளும் கயவர்களின் கோரப்பிடியில் சிக்காது சாதி மத பேதமற்ற சாந்தியான வாழ்வுதனை சாத்தியமாக்கிடவே துணிந்து வா மனிதா!!
ஆயுத ரகங்கள் நீ தரித்து யுத்தம் பல எதிர் கொண்டு உயிர்கள் பல துறந்திங்கு கறுப்புப் பதிவு - வேண்டாம் இனியும் நம் வாழ்வினிலே!
நாடு பிடிக்கும் கொள்கையதில் நயமாய் நீ வென்றிடவே போரெனும் பேராபத்தை பொடுபோக்காய்ச் செய்கின்றாய்!
அரசியல் இலாபமதை அளவின்றிப் பெற்றிடவே அரசியல் அரங்கிற்குள் அச் சமரைப் புரிகின்றாய்!
இன - மத பேதமின்றி இணைந்து வாழும் உலகமதில் இன்பங்களைத் துறந்திங்கு போரெனும் கேட்டை நீ போற்றுதலோடு பார்க்கின்றாய்!
நிரந்தரமில்லா இவ்வுலகில் நிம்மதியாய் நாம் வாழ நிறுத்திடுவோம் போர்தனை - என்றும் அறுத்திடுவோம் பகைமைதனை
பட்டம் பதவி புகழுக்காய் போரிடும் இவ்வுலகில் பாமரர் பலருக்கும் புரிந்திடுவோம் - பல் பணிகள்
ஒரு தாய் மக்களென ஒற்றுமையங்கு தலைத்தோங்க நாடெனும் இல்லமதில் நம்பகமாய் நாம் வாழ போரெனும் விருட்சத்தை சாய்த்திடுவோம் வேருடனே!
J.Noorul Shifa SEUSL
கருத்துகள்
கருத்துரையிடுக